Trump omoañete oî porãha oñeinterna rire peteî tasyo militar-pe – ABC Remiandu

0
16

“Ame’êse aguyje maymáva yvórape oïva ipytyvõ temiandúpe, amomba’eguasu. Aha Tasyo Walter Reed-pe. Aguerovia aime porãha, roho roasegura ko’ã mba’e osê porãva. Primera dama oime porã”, he’i mburuvicha iñe’ê oñembohasáva ha’éva peteî grabación ojapóva Casa Blanca guive ha oî ñembo’ýpe ha iñemonde chaqueta ha corbata.

02 de octubre de 2020 – 21:45

Pyharevéte, Trump, oguata osêvo Casa Blanca-gui ojupi haguã helicóptero-pe ogueraháva hospital militar Walter Reed gotyo oñeipohano haguã coronavirus-gui.

Tetã EE.UU motenondehára hóvare ojehecha ijurumo’ã hû ha ipo ohupi omomaiteívo umi tapicha oïva hapépe ohóvo ha ndopytái oñomongeta momaranduhára ndive. Ojupi mboyve helicóptero-pe omomaitei u,i oîva upe tendáre.

Péicha demócrata, Joe Biden, omboguatáva jeporavo upe tetãme, ome’ê negativo virus, mbohapy àra oiko rire upe ñe’êjovake mandatario republicano ndive, ha oipykúi oñemoherakuãme, he’ívokuri anitei “oñemombarete” COVID-19 ndive ha “tojeporúke juru ha tî mo’ãha”.

Trump, oreko 74 ary, ha Biden, 77, tavaygua ojeguerokyhyjéva COVID-19-gui , oheja amo 207.000 tekove omanóva ha 7,2 millones oguerováva ko mba’asy hapicháre Estados Unidos-pe, ko tetã ha’èva pe orekovéva tekove ohasa asýva pandemia rupi.

Casa Blanca oasegura 45º presidente Estados Unidos-gua oipykúi ha oisãmbyhýva tetã, pero ha’e oîta tasyo militar Washington, okaháre oîva.

Mburuvicha Guasu hembireko ndive ohupyty avei ko mba’asy oúva mymbachu’i Covid 19 ojeheróva.

Lea en Español

Fuente -> http://www.abc.com.py